Mizoram Police a Intelligence leh Law & Order changtu IGP Pu LH Shanliana’n Crime an Criminal Tracking Network and System hnuaia Citizen Portal chu nimin atang khan Police station-ah hman tan a nih thu a sawi.

0
525
views

 

Hemi chungchang hi vawiin khan Aizawl SP Conference hall ah Press mite hrilhin Pu LH Shanliana chuan, CCTNS hnuaiah hian Police Station 38 leh Special Narcotic Police Station 1 leh hotu lian zawk 52 te thlunzawm a nih thu a sawi a, CCTNS hnuaia Citizen Portal chu DGP Balaji Srivastava a’n hman theihin a hawng tawh a, Citizen Portal hmang hian Police Station a kal kher ngai lovin mipui ten Complaint an theh lut thei tawh dawn a, hei bakah misual hnuchhui na atan leh lirthei bo chhui zuina atan pawh \angkai taka hman theih a ni ang a ti. CCTNS hnuaiah hian tundinhmunah khawpui chhung Police station 4 Aizawl police Station, Vaivakawn Police Station, Bawngkawn Police station leh Kulikawn Police station te chu a taka hnathawk thei an ni tawh a, Police Station dang te pawh a tah tawla tuam chhoh tum a ni.

Citizen Portal chungchang sawifiahtu CID Crime SP Pu Zosangliana chuan, Citizen Portal hmang hian Complaint bakah Police hnathawh dana lungawilohna emaw fakna tur emaw sawi duh an neih te mipui ten Police station-a kal kher ngai lovin an sawi thei tawh dawn tih a sawi a, FIR leh complaint an thehluh te pawh a thlen chin enzui theih zel a ni tawh dawn niin a sawi. Pu LH Shanliana hi DIG Northern Range Pu Lalbiakthanga Khiangte, DIG Training Joseph Lalchhuana leh Officer dang ten an tawiawm a ni.