Mizoram Police Officer-te leh Excise and Narcotics Department Officer ten Narcotic Drugs and Psychotropic Substances Act- 1985 hmanga ruihhlo kaihhnawih thil chhui dan leh thubuai siam dan chungchang vawiin khan Aizawl SP Conference Hall-ah an zir ho.

Police leh Excise and Narcotics Department Officer ten a huhova ni khat awh training an neih hi DIG (CID) Pu Neihchungnunga’n a hawnga, hetah hian Excise and Narcotics Commissioner Pu Ngurchungnunga Sailo pawhin thu a sawi a ni. ND&PS Act 1985 hman dan zirhona ah hian ND&PS Special Court a Additional Public Prosecutor, Pi Lalremthangi’n zirtirna a pe a, he tah hian Police Officer 10 leh Excise & Narcotics Department Officer 12 an tel a ni.