Mizoram Police-te hian Operation team panga dinin, team tin te hi Dy.S.P in an ho zel a. Ram dang leh State dang a\anga Mizoram chhunga ruihhlo leh a kaihhnawih lo lut tur vengin Mizoram hmun hrang hrangah beihpui an thlak a ni. Police Operation Team te hian ruihhlo leh a kaihhnawih bakah hian Arms Act, Foreigners Act leh Wild Life Protection Act hmang tein thubuai 18 an ziak lut tawh bawk a, heng bakah hian Mizoram kal tlanga ruihhlo Methamphetamine tawlhrukna kawnga bul tumtu nia hriat Rohingya Mosolman pakhat an chhuichhuak bawk a, Trpura Police te an mantir hnuah Mizoramah la chhovin thubuai rip tak an siam sak a ni.
Police Operation Team ten ruihhlo an man zingah hian Heroin No.4 hawng 84 leh penicillin bur 3, Methamphetamine mum 121,800, Myanmar a\anga lakluh zu chikhat BEDC Gallon 62 te a tel a ni. ———–
World Blood Donors Day pualin vawiin khan District hrang hrangah damlo te tana thisen petute chawimawi an ni.
A hmanna puiber Aizawlah chuan MSACS leh Association for Voluntary Blood Donation \angkawp bultumin Dawrpui Multipurpose Center-ah inkhawm buatsaih a ni a, Health & Family Welfare Board Vice Chairman Dr. ZR Thiamsanga MLA in a hmanpui a ni. World Blood Donor Day hi World Health Organisation in kum 2004 a\ang khan a hmang \an a, Blood group hmuchhuaktu, Karl Landsteiner birthday June ni 14 hi World Blood Donor Day atan a puang a ni. kum 2018-19 chhungin Mizoramah thisen unit 27079 lakkhawm a ni a, heng zinga Voluntary Donation dawn chu unit 23434 a ni a, Replacement Donation hi unit 3645 a ni. Kum 2018-19 chhunga Mizoram puma pawl hrang hrang zingah thisen pe tam ber chu NSS te an ni a, Kristian Thalai Pawl (KTP) leh Mizoram Thalai Kristian Pawl (MTKP) te pawh a pe tam zual an ni.
Kohhran thalai te zingah |KP Co-ordination Committee Aizawl te, Territorial Salvation Army Youth leh Adventist Youth Federation (AYF) te thisen pe tam an ni a, Zirna In zingah Pachhunga University College, Government Hrangbana College leh Government Aizawl College te thisen pe tam an ni.
YMA hminga thisen petute zingah Keifang Joint YMA, Aibawk Branch YMA, Rulchawm Branch YMA leh Bethlehem Vengthlang Branch YMA te thisen pe tam zual an ni bawk.
