Lunglei Congress Bhavana vawiina Political Session neihah thusawiin, Pu Joseph Lalhimpuia chuan kum 2018 Assembly inthlannaah khan ruah mual liam polictics mipuiten an hmu niin a sawi a, khatiang politics khan zung a nei lova, a ding chhuak tak tak dawn lo niin a sawi a ni. Pu Joseph Lalhimpuia chuan nikuma Assembly inthlannaah khan Congress party chu seat 34 a\angin seat 5-ah an tla thla a, khati chung khan MNF vote hmu nen an inthlauhna chu 48,285 chauh a ni tih sawiin, inthlan leh huna ding chhuak tur chu Congress party niin a sawi a ni. Pu Joseph Lalhimpuia chuan rampum huapa Lok Sabha inthlanpui hun reilote hnua neih turah BJP paihthlak ngei a \ul niin a sawi a, tunah hian Lok Sabha-a majority nei turin MP 272 neih a ngai a, BJP-in tun dinhmunah MP 282 an nei a, amaherawhchu, tun hnaia State \henkhata inthlannaah an chak loh zel avangin tunah chuan nominated member pahnih nen MP 274 chiah an nei ta niin a sawi bawk.
