Mizoram Pradesh Congress Committee hnuaia Campaign Committee Chairman, Pu Zodintluanga chuan kumina Mizoram Assembly inthlanna neih turah MNF MLA neih chhun 5 te chu Congress candidate ten an hneh vek dawn niin a sawi.

0
401
views

 

Congress Bhavan Golden Hall-a inkhawmah thusawiin Pu Zodintluanga chuan tun hmalam khan MNF Party vanglaiin Congress Party Vice President, Pu Saikap\hianga leh General Secretary, Pu Liansuama ten Congress chhuahsanin MNF an zawm a, hemi hnu inthlannaah MNF Party chuan vanduaipuiin an arte lukawn lo chauh a, tunah Congress Party Vice President ni \hin, Pu R. Lalzirliana leh General Secretary ni \hin, Pu Lalrinliana Sailo te chu Congress Party a\angin MNF zawm turin an chhuak leh a, hei hi MNF Party-in a \hatpui lovang tih chu mipuite rin dan niin a sawi.

He inkhawmah hian Aizawl North III bialtu Pu Lal Thanzara pawhin thusawiin inthlan \epah Congress chu MLA duhawm tak tak pahnihin an chhuahsan a, an chhuah hnu hian an party mite chu an phur nasa hle niin a sawi a, Congress Bhavan pawh a lun sawt avangin Political Session pawh hmun zau zawk Auditorium-ah hman a ngai ta niin a sawi a ni.