Hemi chungchanga Congress party hruaitute hnen a\anga ZONET thudawn danin insawifiah tura hriattirna, show-cause notice hi nimin khan pek a ni a, tun thla ni 14, Zirtawpni tlai dar 3 hmaa chhang turin hrilh a ni bawk. Hemi hmalam hian Mizo National Front Party chuan an party zawm turin Pu R. Lalzirliana hi an sawm tih chanchinbu \henkhatah tarlan a ni a, hemi chungchang leh a rilru put dan sawifiah tura beisei a nih laiin, Pu R. Lalzirliana hian hemi chungchangah hian thil sawifiahna a la nei lo a ni.
MPCC Vice President, Pu R. Lalzirliana’n tun hnaia chanchinbu pahnih-a MNF Candidate tur anga a hming an tarlan chungchanga an party Disciplinary Committee-in insawifiah tura a ti chu a hrethiam lo hle tih amah kawmtu thuthar lakhawmtu \henkhatte a hrilh. He thil lo chhuah danah a chunga dik lo taka thil tih tum an awm ni ngeia a ngaih thu a sawi.
