Thuchhuah an siamah MPCC hian, COVID-19 laka invenna kawnga Mizoram sorkar hmalakna hrang hrang chu ngun taka an ngaihchan thu leh Mizoram dinhmun ngaihtuahin a \ha thawkhat nia an hriat thu an sawi a. Hetiang hi ni mah se, inkharkhip a nih avanga khawpui leh thingtlang mipui zingah ei tur nei mumal lo, leina tur pawh nei lo engemawzat an awm \an leh heng mite hi Local Level Task Force-ten an theih ang anga mahni sum senga an \anpui bakah Kohhran, NGO leh mi tlawmngaite pekkhawm hmanga \anpui an ni chu sorkar mualphona vawrtawpa nia an ngaih thu an sawi leh Inkharkhip chhunga Mizorama cheng ei tur nei lo an awm loh nan awmze nei taka hmala turin Mizoram sorkar an ngen a ni. MPCC chuan, Sorkar chu Ration buhfai a thlawna sem turte, hnianghnar taka tui supply dawn a nih theih nan hmala tur te, nitin inhlawh chawpa khawsa chhungkuate hnena \anpuina pawisa fai a rang thei ang bera sem tur leh nitin mamawh semrualna kawnga awmze neia hmala thuai turin an ngen a.
Inkharkhip chhungin Local Level Task Force-te hman \angkai an ni lo thei lova, hetihrual hian damdawi lama thiamna nei lo, venhimna lama training pawh nei lo an nih avangin natna tidarh tu an nih palh an hlauh thawn thu leh inkharkhip kenkawh leh dan leh thupek kenkawh chu a khawihtu tur dik tak Mizoram Police leh a kaihhnawih department kuta dah ni thei se \ha an tih thu sawiin, Local Level Task Force hi sorkar-in a kalpui zel dawn a nih pawhin an invenhimna tur Hand Sanitizer, Mask leh Glove tal ngaihtuahsak ni se an duh thu an sawi.
