Mizoram Pradesh Congress Committee (MPCC) in Lunglei District Congress Committee (LDCC) tun thla ni 19-a inthlang tura a tih angin, buatsaih mek a ni a, Nomination file leh inhnuhdawh hun a tawp tawh a, Kum 10 chhung President lo ni tawh leh ni lai mek Pu C. Lalhmingliana chu President-ah chuhtu awm lovin a tling a, Vice President nilai Pu KL. Chhawnzauva pawh chuhtu awm lovin a tling a, Treasurer-ah Pu R. Lalnunthara, Kum 2018 Assembly inthlan a Lunglei South biala Congress Candidate chu chuhtu awm lo bawkin a tling bawk. LDCC Treasurer Pu Lalrintluanga Punte nikum boral chu a post hnawhkhah a la ni lo a ni. Executive member mipa 27 thlan turah mi 50 in nomination an file a, hmeichhia 3 thlan turah mi 4 in nomination an file bawk.