MPCC O.B. Meeting chuan inthlanna muanawm leh felfai taka zawhfel theih a ni chu lawmawm an tih thu an sawi a, theihtawpa an party in an thawhna leh hmalaknate chu lawmawm an tih thu sawiin, thlantlin zawng zawngte an lawmpui tih an sawi a, party hrang hrang candidate tling zo ve ta lo te a tawrhpui tak zet tih an sawi bawk.
MPCC OB te chuan Inthlan-a theih tawp chhuaha tha leh zung sengtu Congress party worker Zoram hmun hrang hrang a mite chungah lawmthu an sawi a. Inthlan dawn hnaihah inthlan tibuai thei leh inthlan hun sawn ngai hial tur khawp anga lang buaina Mizoramin a tawh laia “Hnam Hnatlang” hlawhtling tak a tlawmngai pawl ten an buatsaih thei chu lawmawm an tih thu leh Kohhran mipui tawngtaina leh Mizo mipuite \anrual vang nia an ngaih thu an sawi a, Mizoram mipuite chu Krismas leh Kumthar lo thleng tur hlim taka hmang turin duhsakna hlanin, Congress sawrkar chhunga mimal emaw pawl emaw tupawh an rilru tihnat leh hliamte an awm a nih chuan thinlung takin ngaihdam an dil tih an sawi.
