Mizoram Presbyterian Kohhran hnuaia Committee sang ber, Synod Executive Committee vawi 280-na, ni thum chhung awh tur chu vawiin a\ang khan JM Lloyd Hall-ah an \hukhawm a, khawpui chhung a\angin member 45 leh khawpui pawn a\angin member 96, an vaiin member 141 an tel.

0
1178
views

Meeting hi hi Synod Moderator, Rev. R. Lalhmingthanga’n a kaihruai a, Synod Secretary report leh Finance Secretary report ngaithlak a nih hnuah thurel tura chhawpchhuahte sawiho a ni. An thurel zingah Kohhran hlutna leh pawimawhna inzirtir chungchang te, Mizoram pum huap Kohhran Pavalai Pawl Meet Pandal-a thlen rawtna te, Pastor Transfer & Posting chungchang a hun hmaa thehdarh anih lohna tura hmalak rawtna te, Salvation Church leh Mizoram Synod inkungkaih dan tur chungchang te, Guwahati-a Vaiphei Kohhrante enkawl zui dan tur te, South East Asia-a Mission kalpui dan tur te, Kolkata-a ram lei rawtna te, Mizoram Presbyterian Kohhran din ni, January ni 11 urhsun taka hman rawtna te chu a langsar zual a ni a, Synod inrelbawlna khawih thil chi hrang hrang an sawiho bawk.