Mizoram Public Service Commission Member thar pahnih, Pu FJ Liantluanga, MCS (Retd.) leh Pu Malsawmdawngliana, MES (Rtd.) te chu rinawmna thu tiam tira lakluh an ni.

MPSC Member thar pahnihte lakluhna inkhawm, Raj Bhawan-a neih hi Chief Secretary Pu Lalnunmawia Chuaungo in a kaihruai a. Larsap Pu P.S. Sreedharan Pillai chuan rinawmna thu tiamtirin a lalut a ni.

Lakluhna inkhawmah hian Chief Minister Pu Zoramthanga leh Deputy Chief Minister Pu Tawnluia te bakah Minister dangte leh sorkar mi pawimawhte an tel a ni.