Mizoram, Rajasthan, Madhya Pradesh, Telangana leh Chhattisgarh-a Assembly inthlanna neih hun tur vawiin chawhnu khan Election Commission of India-in a puang.

0
635
views

 

Mizoram leh Madhya Pradesh-ah te chuan November ni 28-ah Assembly inthlanna neih a ni ang a, Rajasthan leh Telangana state-ah te chuan December ni 7-ah thawh khata neih a ni ang.

Chhattisgarh bikah chuan inthlan hi thawh hnih-a neih a ni ang a, Naxalite hel pawlte chetna hmunah vote thlak ni tur te chu November ni 12-ah a ni ang a, a bak zawngah November ni 20-ah neih a ni thung ang.

State panga inthlannaa vote tla te hi December ni 11-ah a ruala chhiar a ni ang. Inthlan ni tur puan a nih tak avangin inthlanna neihna tur State pangaah te hian vawiin a\ang khan Model Code of Conduct hman nghal a ni.

Assembly inthlan hun hi chhun dar 12 leh a chanve-ah khan puan a nih tur thu zing lamah khan tlangzarh a ni a, a hnu lawkah Election Commission chuan dar 3-ah a sawn leh a, hei hi chanchinthar lakhawmtute tana hun tam zawk siam an duh vang leh an pisa lama thil chinfel ngai a la awm vang niin a sawi a, mahse Congress lam chuan Rajasthan Ajmer-a PM Narendra Modi-a’n mual inkhawm a neih lai nen inzawmna nei niin an sawi ve thung a ni. Modi hian Ajmer-ah hian dar 1 khan mual inkhawm a nei a, a thusawina hi State CM Vasundhara Raje-a’n Assembly inthlan neih hmaa beihpui thlak kharna a ni. Congress chuan Election Commission-in Assembly inthlan neih hun a puan ruala Model Code of Conduct hman \an a ngaih tawh dawn avangin, state sorkar-in beihpui a thlak chhunzawm thei dawn lo a, hei vang hian Election Commission hian a hun tiam hi a sawn niin an sawi a ni.