Larsap chuan kum kalta chhungin Mizoram Rajya Sainik Board-in sipai bangte leh an chhungte ham\hatna turin kawng hrang hrangin hma a la a ni a ti a, Mizoram sorkar pawhin indonaa thi leh hliam tuar sipai chhungte tana chhawmdawlna ex-gratia a tihpun thu sawiin, World War II veteran leh hmeithai chhungkua 565 te hnena Rs. 97,09,000/- pek a nih thu a sawi bawk. Amred Forces Flag Day 2017 puala an sum khawnkhawm chu ex-servicemen leh hmeithai chhungkua 39-te hnena hlan a nih thu sawiin Larsap chuan Sainik School Chhingchhip chuan kum 2018-19 academic session atang khan hmeichhe zirlai naupang an la \an tawh a, hei hi India rama a hmasa ber a ni a ti.
Meeting hian DG Recruiting NE Region aiawha lokal te chuan October thlaa sipai lak runpui neih turah diltu mi 1500 vel chauh an la awm tih an sawi a, thalai tam zawk sipaia an \an theih nan sorkar hotute chu thawhpuiah an sawm a. Assam Rifles hotute pawhin Mizorama an inzarpharhna apianga dilna thehlut duhte tanpui an inhuam thu an sawi bawk. Meeting-ah hian Lok Sabha MP Pu CL Ruala, Lt. Col. (rtd) ZS Zuala MLA leh Pu Hmingdailova Khiangte MLA te pawh an tel a ni.
