Mizoram Rural Bank-in Corporate Social Responsibility (CSR) hmangin Mara \halai pawl Mara Thyutlia Py hnenah mitthi phurhna (Morgue Van) vawiin khan an hlan.

0
331
views

Motor inhlanna inkhawm, Aizawla neih hi CSR Committee Secretary Pu C Laldampuia’n a kaihruai a, RBI General Manager Pi Mary Dengi’n Mara Thyutlia Py hotute hnenah motor chahbi leh lehkhapawimawh te a hlan a ni.

Pi Mary Dengi chuan, Bank Loan rul \ha loten an ngaihpawimawh theihna turin zau zawka inzirtir a \ul tih a sawi a, khaw hrang hrangin an khuaa MRB branch hawng tura an ngen \hin chu MRB te hnathawh \hat zia tilangtu nia a hriat thu a sawi.

Mizoram Rural Bank Chairman Pu V Jaya Chandra pawhin thusawiin MRB chu Mizo te ta a ni a, Mizorama inzarpharh zau ber Bank a ni a, thingtlang leh hmun harsa zawka awmte tan a \angkai hle a ni a ti a, tun aia \anbgkai zawka mipui ten an hman a beisei tih a sawi.

Mizoram Rural Bank hian CSR hmangin Central YMA hnenah mitthi phurhna leh Lunglei leh Champhai YMA Sub Headquarters hnenaah Sumo Ambulance leh pawl hrang hrang kutah hmanraw pawimawh te an lo hlan tawh a, tunah hian Aizawl DC hnuaia sorkar Middle School thlan bikah Science Programme, Pratham Education Foundation nena \angkawpin RAHBI tih chu an sponsor mek bawk a ni. Tun dinhmunah Mizoram pumah MRB Branch 85 a awm mek a ni.