Mizoram Secondary School Games tun thla ni 23 a\anga Champhaia neih chu nimin khan zawhfel a ni a, hetah hian Lunglei District chuan ti \ha berin Gold Medal 12, Silver 6 leh Bronze Medal 7 an la a, pahnihna Champhai District chuan Gold Medal 10, Silver 8, leh Bronze Medal 7 an la a, pathumna Aizawl District-in Gold Medal 8, Silver 6 leh Bronze Medal 8 an la a ni.

0
408
views

He inelnaah hian Serchhip District chu pali-na niin Gold Medal 2, Silver 5 leh Bronze Medal 7 a la a, Kolasib leh Mamit District ten panga leh parukna niin Gold Medal 1 ve ve leh Medal dang an la bawk.

Champhaia Secondary School Games neihah hian District 8 a\angin infiammi 359 leh anmahni buaipuitu Zirtirtu 41 an tel a ni.

Kharna inkhawm nimina Chhangphut Field-a neihah khuallian School Education Director, Pu K. Laldingliana, School Games Organizing Committee Chairman ni bawk chuan School Games flag zar chu zawi muangin a pawt thlaa, khar a ni tih a puang bawk a ni.