Mizoram Solar Power Policy, 2017 hmanga hnathawh dan thlir let

0
743
views

Mizoram Solar Power Policy, 2017 hmanga hnathawh dan chu vawiin khan CM, Pu Lal Thanhawla hovin CM Conference Hall-ah mi pawimawhten an thlir let a. Pu Lal Thanhawla chuan, kawlphetha mamawhna sang zelah, a siam chhuah kawngah leilung hausakna tiriral lo leh boruak tibawlhlawh lo zawnga hnathawh chu khawvelin a ngaih pawimawh angin Mizoram pawhin thli leh ni zung chakna hmanga kawlphetha siam chhuak turin theihna \ha tak a nei tih mi thiamten an sawi niin a sawi a, thiamna sang zel avangin ni zung chakna hmanga kawlphetha siam chhuak tura senso pawh tun hma angin a hautak lutuk tawh lova, Mizoram khua zawng zawng, kawlphethaa thlun zawm vek tumna kawngah \angkai taka hman theih a nih thu sawiin, hemi atana hmachhawp hlen chhuah kawngah Power & Electricity Department leh ZEDA chu theihtawp chhuah turin a chah a ni.

Solar Power Policy bawhzui dan sawifiahtu, ZEDA Director, Pu David Ramnunsanga chuan, New and Renewable Energy Ministry hnuaia National Institute of Solar Energy-in a zir chian danin, Mizoramin ni sat ber laia ni zung chakna hmanga kawlphetha a siam chhuah theih zat chu megawatt 9,090 niin a sawi a, he Policy hnuaiah hian kum 2022 ral hmain a tlem berah megawatt 80 siam chhuah tum a nih thu leh hemi atan hian Department leh Institution hrang hrang pisa–ah an pawisa thawh hmangin ‘Solar Rooftop System’ dah tum a nih thu te, hei hi a hlawhtlin chuan kum khatah kawlphetha unit 58,90,224 vel siam chhuah tum a nih thu leh, hemi atana sorkar-in sum a hum theih tur chu cheng nuai 212 chuang a tlin beisei a nih thu a sawi.