Mizoram Sorkar Flagship Programme NLUP chu eptu pawlten mahni hming ti lang ngam si lovin court an khing niin Chief Minister Pu Lal Thanhawla’n a sawi.

0
483
views

He thu hi vawiina Congress Bhavan-a inkhawmah a sawi a, eiruk chungchangah puhmawhna tur an hriat loh avangin eptu pawlten sorkar dinglai puh chhiatna tur an van a, Sorkar-in NLUP a kalpui chu an khing ta ringawt niin a sawi. Pu Lal Thanhawla chuan, NLUP chu a \hat em avangin eptu Party 5 intelkhawmin Prime Minister hnenah an hek a, Prime Minister chuan State dang \henkhat hnenah NLUP chu entawn ve turin a hriattir hial zawk a, an beidawn tak avangin High Court-ah hial an khing ta a ni, a ti. An hekna ber NLUP sem danah Guide Line mumal awm lo ang sawi chu an beisei aia \ha an nei niin a sawi a, a tir a\angin fel taka kalpui an duh avangin Baseline Survey nei turin YMA an hmang niin a sawi. NLUP chu mi\henkhatin hmumawh viau mah se, an titawp mai dawn lo nia sawiin, Pu Lal Thanhawla chuan, NLUP hmangin sum an sem satliah a ni ringawt lova, a mamawhtute, hmeithai leh pachhiaten leirem an rah ve theih nan \anpuina an pe niin a sawi a, chhungkaw tam takin an hlawhtlinpui tawh niin a sawi bawk.

Tun thla ni 1 a\anga Assam Sorkar-in National Register of Citizens a tihchhuahah nuai 40 vel dan lova cheng an ni tih puan a nih chungchangah heng mite hian Mizoram an lo luh loh nan Sorkar chuan theihtawp chhuahin hma a la nghal niin Chief Minister chuan a sawi a, Vairengte, Kanhmun leh Bairabi-a Police hotute chu ILP pekchhuah chungchangah fimkhur tura hriattir an ni tawh tih sawiin, \henawm state Meghalay leh Nagaland-ah chuan vai \hahnem tak an cheng sa a, Mizoramah chuan in hmun nei chu tlemte chauh an nih avangin hemi kawnga hmalak hi thil harsa a ni lo niin a sawi.

Bru te chungchangah Chief Minister chuan Sorkar thuawiha Mizorama kir tawh ten tuna hruai kir tum mek te ham\hatna hmuh tur ang an hmuh ve ngei chu sorkar duhdan a ni tih a sawi bawk.