Mizoram Sorkar hnathawk thenkhatin Hindi an thiam tawk loh avangin harsatna tawk an awm thin tih Chief Minister Political Adviser Pu Lalrinmawia Ralte in a sawi. Mizoram Hindi Prachar Sabha in ATI-a MCS te tana Hindi zirna a buatsaih hawnna inkhawm-ah he thu hi nimin khan a sawi a, Pu Lalrinmawia Ralte chuan, Mizo sorkar hnathawk ten Hindi an thiam tawk loh avangin sorkar laipui hotute dawr kawngah harsatna an tawk thin a, sumdawng zingah pawh tawng thiam loh avanga harsatna tawk tam tak an awm avangin Hindi tawng zirna kawngah tan lak thar a tul a ni a ti. MCS Hindi zir turte hi kum 2017-a MCS tling thar mi 8 an ni. Inkhawm hi Mizoram Hindi Prachar Sabha President RB Lalmalsawma’n a kaihruai a ni.
