Mizoram sorkar pisa chawlhah YMA Day, June ni 15 leh MHIP Day, July ni 6 telh lo

0
265
views

Nakkum, 2018-a Mizoram sorkar pisa chawlh ni tur, nimina sorkarin atih chhuah takah chuan YMA Day, June ni 15 leh MHIP Day, July ni 6 chu telh a ni lo. Hemi chungchanga ZONET zawhna chhangin Central YMA President, Pu Lalbiakzuala chuan YMA Day hi sorkar pisa chawlha puang turin sorkar ngen leh an tum niin a sawi a, hemi chungchang hi naktuka Mizoram pum huapa Central Coordination Committee \hut khawmna-ah pawh sawiho a nih tur thu a sawi a ni. Pu Lalbiakzuala chuan sorkar pisa chawlh atana YMA Day puan chu sorkar tan leh mipui tan thil pawimawh nia sawiin, hemi ni hian khawtlang tan leh veng chhung tan hna pawimawh thawh \hin a ni a, sorkar hnathawk, YMA member tam tak hnatlanga an thawh chhuah \hin bakah, YMA chhang zirlai, Higher Seconday School leh High School kal lai tam tak pawh hnatlangah leh hemi ni-a Mizo nun zemawi inzirtirnaah leh khawtlang tana hmasawnna tur inzirtirnaah an tel \hin niin a sawi. MHIP President, Pi Saipuii pawhin nakkuma sorkar pisa chawlh puan takah MHIP Day telh ve a nih loh chungchang hi naktuka an pawl puipate \hut khawmnaah sawiho a nih tur thu a sawi bawk.