Mizoram sorkar tirha Meghalaya tlawha zin Mizoram Journalist Association member 9 te chuan vawiin khan Shillong-a damdawi in lian leh \ha, North Eastern Indira Gandhi Regional Institute of Health and Medical Sciences (NEIGRIHMS) an tlawh.

0
459
views

Heng mite hi NEIGRIHMS Director, Prof. D.M. Thappa-in a lo dawngsawng a, damdawi in chanchin leh deptt. hrang hrang awm leh an hnathawh dan a hrilhfiah a ni. Prof. D.M. Thappa he damdawi in Regional Cancer Center din tura hmalak mek a nih thute, Medical College Building leh Hostel pawh tihchangtlun chhoh mek a nih thu te, MBBS leh B.Sc Nursing zirlai kum tina 50 an lak \hin pawh 100-a tihpun tum a nih thu a sawi a, hei bakah hian ENT, Ophthalmology, Dermatology, Forensic Medicine, Pharmacology leh Biochemistry-ahte PG course hawn thar tum a ni tih a sawi. Medical Superintendent, Dr. Noor Topno pawhin, damlo enkawl leh thil pawimawh dang an kalpui piah lamah NEIGRIHMS chu India rama damdawi in fai ber ni tura buatsaih mek a ni tih sawiin, hemi atana \an an laknaah hmun hrang hrang a\anga damlo pantu leh anmahni hruaitute chu faina leh thianghlimna kawngah theihtawp chhuahpui tura an duh thu a sawi a ni.