Mizoram Sorkar Tourism Deptt leh Manipur-a Zo kutpui committee buatsaihin Churachandpur-a Kawnpuiah ‘Zo Kutpui’ hman a ni.

0
33
views

A hmanpuitu Chief Minister chuan Zofate inpawhna ti nghet tura Zo Kutpui buatsaih a ni chu thil chhinchhiahtlak tak a nih thu a sawi a, hmun hrang hrang a Zohnahthlak awm te chu an thlen chin atanga hma an sawn zel dan tur ngaihtuah a pawimawh tih sawiin remna leh muanna atana hmalak chu chu ngaihpawimawh hmasak \ul a tih thu a sawi a, Manipur a zo hnam hrang hrang zinga remna leh inunauna nghet zawk a awm theih nan theihtawpa hmalak pui an nih tur thu a sawi a ni.

Functional President Tourism Minister Pu Robert Romawia Royte pawhin thu sawiin Zo Kutpui chu Zofate insuihkhawmna kawnga phurna pe thar tura Mizoram Sorkar leh khawvel hmun hrang hranga Zofa te nen \anghova buatsaih mek a nih thu a sawi.

Kutah hian Manipur Minister Pu V. Hangkhanlian chu kut thlengtu a ni a, Manipur a zohnahthak hnam peng hrang hrang te an fuan khawm a, hnam zia rang chi hrang hrang entir a nih bakah zai leh hnam lam te entir a ni. Zo Kutpuiah hian Manipur Minister pahnih Pu Letpao Haokip leh Pu Nemcha Kipgen te pawhin thu an sawi a ni.

Zo Kutpui lawmnaah hian Manipur a Zo hnam peng hrang hrang ten inunauan entirna atana bung an phun chu hnam zo hnaththlak hnam hrang hrang ten an chenna \heuh atanga lei an lakkhawm hmangin Chief Minister Pu Zoramthanga’n a vur a ni.

Zo Kutpui hi kumin January thla khan Zampui Tlang, Tripura-ah an lo hmang tawh a, Bangladesh leh Myanmar ah hmang turin ruahmanna siam leh mek a ni.