Mizoram sorkara Cabinet Minister lo ni tawh mi pahnih, Pu Lalrinchhana leh Pu PB Rosanga te vawiin khan vuiliam an ni.

0
330
views

Pu Lalrinchhana hi Shillong Damdawiin pakhatah Cancer natna vangin a thi a, a ruang hi lumen anih hnuah vawiin khan Zarkawta a chenna in-ah vuiliam a ni. Pu Lalrinchhana vuina inkhawmah hian MNF President, Chief Minister Pu Zoramthanga leh MNF party hotuten an ui thu an sawi a ni. Pu Lalrinchhana hi kum 1987 Assembly inthlanah Ratu Bial a\anga thlan tlin a ni a, Cabinet Minister ah awmin Health & Family Welfare Department-a enkawl a. Kum 1989 leh 1993 inthlanah Ratu Bial a\ang bawka thlan tlin a ni. Kum 1998 inthlanah Aizawl West-II atangin thlan tlin a ni a. Cabinet Minister niin Revenue Department, AH & Vety leh Relief & Rehabilitation Department a enkawl a. Kum 2003 MLA inthlanah Aizawl West-II atangin thlan tlin a ni leh a, Cabinet Minister ni lehin Transport, AH & Vety leh Disaster Mangement & Rehabilitation Department a enkawl leh a ni a, 2008 inthlan a\angin a chuh zui ta lo a ni.

Pu Lalrinchhana hi Mizoramin zalenna a sual laia rammu a ni a, a thih ni thlengin MNF party tana thawkin, MNF Party-ah Political Affairs Committee member nilai a ni.

Vawiina veka vuiliam Mizoram UT nih laia Cabinet Minister lo ni tawh, Pu PB Rosanga hi kum 86 mi a ni a, nizan zantir lam khan Cancer natna vangin a thi a, a nupui Pi Darrochhingi leh a tu leh fa 24 a kalsan a ni.

Pu PB Rosang hi kum 1933-ah Hnahlan khuaah a piang a, Shillong St Edmunds College-a IA a pass hnuah Ngopa Private High School-ah kum khat leh a chanve a thawk a, kum 1963-ah BA a zir zo a ni. Political Party-ah lutin Mizo National Front a zawm a, Mizoram UT a hlankai a niha rambuai vanga tang zawng zawng te chhuah an nih khan a chhuak hnuhnung zing ami a ni. kum 1978-a Mizoram UT Assembly inthlanah khan Ngopa bialah PC ticket-a dingin MLA atan thlan tlin a ni a, Cabinet Minister atan lakluh a ni a, Health, Agriculture, Forest leh Community Development te a enkawl a ni.

Kum 1998-a Assembly inthlanah Ngopa bial a\ang bawkin thlantlin a ni a, kum 2003 a\angin politics a chawlsan a ni. Kum 2017 June thla-ah Cancer natna a nei tih hmuhchhuah a ni a, kumin May thla khan thawk lamah harsatna a neih avangin Damdawiinah dah luh a ni a, tun thla ni 13 khan a nat zual avangin ICU ah dah luh a ni a, \ha chhuak zo lovin a thi ta a ni.

An veng Aizawl Kanan venga an chenna inah bialtu Pastor J Lalremsiama’n thlamuanna thuchah sawiin a vui a, Kohhran Upa a nih vangin Kanan Presbyterian Kohhran Biak Inah a thlahna inkhawm buatsaih leh a ni.