Mizoram sorkarin Mizoram chhunga lo leh huan hal tur zawng zawngte chu March ni 15 hma lama hal vek tura a tih bawhzuiin District Magistrate-te chuan hemi chungchangah hian an District \heuha mipui tan hriattirna an tichhuak.

0
445
views

Aizawl District Magistrate Aizawl District-a lo leh huan hal tur neite chu March ni 15 hmaa hal vek turin a hriattira, an hal hmain anmahni bialtu Local Council emaw, VC emaw an hrilh tur ni a, ram a kan loh nan meilam \ha takin an sial tur a ni a, ram kalte chu ram hal mai mai lo tur leh ram tikang thei tura meizial bungte paih mai mai lo turin a hriattir bawk. Hemi rual hian in lama kangmei a chhuah loh nan mipuite fimkhur turin a hrilha, thil kang awlsam chi Petrol, Diesel leh khawnvartuite dah fimkhur turin a hrilh bawk. Lengpui |umhmuna thlawhna lut tur leh thlawk chhuak tur a buai loh nan a chhehvela khaw hrang hrang, Lengpui, Hmunpui, Serzawl, Nghalchawm, Lengte, Sihhmui, Sairang, Dinthar leh Mualkhang khuate chu tlai dar 3 hnu lamah chauh lo hal turin a hriattir bawk a ni.