Mizoram State Agriculture, Horticulture, Forestry and Marketing Cooperative Federation MAHFED hotuten West Bengal, Siliguri-a Patel Ginger Company nen inremna an ziah anga sawhthing lei dan tur vawiin khan an sawiho.

0
455
views

Meeting kaihruaitu MAHFED Chairman Pu Vanlalruata chuan, kuthnathawktuten an thlaithar chhuah te man man zawka an hralh theihna turin theihtawpin hma an la tih a sawi a, sawhthing chingtuten a hralhnaah harsatna an tawh \hin sukiang turin tunkar a\angin sawhthing an lei \an dawn tih a sawi a, sawhthing hi a that dan azirin KG khatah cheng 35 a\anga 50 thlengin an leisak thei dawn tih a sawi.
Sawhthing lei tur hian an hnuaia Society inziak lutte chu an hmang\angkai dawn tih MAHFED Chairman chuan a sawi a, sawhthing hi mimal leh pawl kut a\angin an leisak vek thei dawn a ni a ti a, MAHFED chuan hmunphiah leh Aieng te pawh lei turin hma a la mek niin a sawi bawk.

MAHFED hian sawhthing hralh tumtute chu an sawhthing hralh turte fai \ha tak leh thar \ha a nih a ngai dawn tih sawiin, a hlui emaw a fai \ha lo emaw a nih chuan a man a sang thei dawn lo tih an sawi.