Mizoram State Aids Control Society (MSACS)-in Mizorama hmeichhe inzuar \hinte, mipa mahni anpui kawp \hin leh damdawi hmanga inchiu \hinte \anpuina a tana tlawmngai pawlte hmalak dan thlirhona vawiin khan Aizawl SP Conference Hall-ah a buatsaih.

0
494
views

 

He inkhawm hi MSACS Project Director, Dr. Lalmalsawmi Sailo-in a kaihruai a, thusawiin Mizorama HIV darh zel chu mutmawh hnar mawha neih a hun tawh hle tih sawiin, hemi kawnga hmalatu TI project chu nasa lehzuala \an la turin a chah a, hetiang mite zingah hian enkawlna mamawh an awm leh awm loh hriatchian tum \heuh turin a ngen a, Lungdai khuaa Presbyterian kohhran-in damdawi-a inchiu \hinte tana a thlakna tur damdawi ei chi, Oral Substitution Therapy semchhuahna hmun, OST Centre an enkawl chu Mizorama HIV darh zel tur venna kawnga kohhran leh khawtlang tana entawn tlak niin a sawi bawk.

He Review Meeting-ah hian kumin April a\anga September thla thlenga an hnathawhte thlirho a ni a, hmalak leh zel dan tur an sawiho nghal bawk a ni. Mizoramah hian TI Project 32 a awm a, tlawmngai pawl hrang hrang 24-in heng Project-te hi an kalpui mek a, heng mite hian HIV Test leh HIV hrik pai ART la loten an lak theih nan \an an la \hin a, MSACS hnuaia TI Division leh Basic Service Division \angkawp chuan heng Project hrang hrangah hian HIV test theihna, Community Based Screening an dah vek tawh a, hemi hmang hian kumin April a\anga September thla thleng khan mi 6,742 thisen an endik tawh a\angin HIV hrikpai 238 hmuhchhuah a ni tawh a ni.