Mizoram State Anti-Tobacco Day 2018 chu vawiin khan Aijal Club Conference Hall-ah Transport Minister, Pu John Rotluangliana hova hman a ni.

0
275
views

He programme hi Indian Society on Tobacco & Health, Mizoram leh National Tobacco Control Programme, Mizoram buatsaih a ni a, thupui atan ‘Inchhung leh lirthei chhunga meizuk loh’ tih hman a ni.

Thusawiin Pu John Rotluangliana chuan Mizoram sorkar leh pawl hrang hrang \an lakna avangin Mizote zingah meizu leh vaihlo a\anga thilsiam dang nasa takin an tlem tawh niin a sawi a, motor-a meizuk chu Motor Vehicle Rules 1989-in a khap thu leh motor khalhtu tan motor-a meizuk Motor Vehicle Rules 1995-in a khap thu a sawi bawk. Transport Minister chuan lirtheia chetsualna pumpelh tura lirthei khalhtute Road Safety Week hman chhunga zirtirna pek chu a ngai pawimawh hle tih a sawi bawk.

He inkhawmah hian Indian Society on Tobacco & Health, Mizoram President, Pi Lal Riliani pawhin thusawiin boruak thianghlim hip hi mipuite chanvo a nih avangin vaihlo t<r hmanga mipuite chanvo tihchhiat sak lo turin meizutute a ngen a, World Health Organization pawhin meizuk vanga midangte harsatna siam lo turin mipuite a ngen thu a sawi bawk. He inkhawmah hian kum 2009-2010 chhunga Global Adult Tobacco Survey tarlan danin Mizorama puitling cheng zawng zawng zinga za zela 67.2-in mei an zuk thu te, meizuk \hat lohzia inzirtirna ngawrh taka neih a nih hnuah kum 2016-2017 chhung khan hei hi za zela 58.7-ah a tlak phak thu tarlan a ni bawk. He inkhawm hi MJA President, Pu Zonunsanga Khiangte-in a kaihruai a ni.