Mizoram State Commission for Protection of Child Rights (MSCPCR) Chairperson Pi Sangzuali Vanchhawng in kum tlinglo laka hleilenna leh pawngsual chungchangah nu leh pa ten thil tisualtute an lo ngaidam mai \hin chu pawi lian zawk thlen \hintu a ni a ti.

0
615
views

 

Nimina Serchhip-a chanchinbumite nen an inkawmna ah he thu hi a sawi a, naupang chunga hleilenna leh hursualna lam hawia khawih chingpen thleng \hin ti reh turin a tisualtuten an phu tawk hremna an hmuh ngei a \ul a, an nu leh pa leh chhung khatin Police te hnen thleng lova thil tisualtute lo ngaihdam mai an ching fo chuan naupang te thinlungah ser reh thei lo a siam a, an dam chhungin harsatna nasa zawk an tawh phah \hin a ni a ti.

Pi Sangzuali chuan hmeichhe naupang tih bawrhban thuah mipuiin a pawizia hria in report pawh a lut tha thawkhat tawh a, chutihlaiin mipa naupang kumtlinglo te pawh an him lo a, report a luh loh chuan hmalak ngaihna a awm si loh avangin, mipa naupangte pawhin hursualna kawnga khawih chingpen an tawk fo tih mipui nawlpuiin hriat a ngai a ni a ti.

Chairperson hi MSCPCR Member pathum – Pu J.Malsawmzuala Vanchhawng, Dr. Julie Remsangpuii Fambawl leh Pi K.Malsawmzuali ten an \awiawm a, Serchhip khawpui chhunga Child Care Institution te leh Obervation Home bakah District Jail-a naupangte dinhmun an endik a ni.