Mizoram State Legal Services Authority buatsaih Para Legal Volunteers Training chu vawiin khan Luangmuala Youth Hostel-ah \an a ni.

0
384
views

He Training hi ni 3 chhung neih tur hawnna inkhawm hi Mizoram State Legal Services Authority Member Secretary, Pu Vanlalenmawia’n a kaihruai a, Govt. Mizoram Law College Principal, Dr. Rualkhuma Colney-in training-a telte fuihna thu a sawi a ni. Training ah hian Lawngtlai District Legal Services Authority Secretary, Pu Lalduhsanga’n Para Legal Volunteers kalphung leh naupangte dikna chanvo chungchang a sawifiah a, Advocate, Pi. Lalfamkimi’n chhungkaw thubuai kaihhnawih Dan te sawifiahin, National Mental Health Programme Nodal Officer, Dr. Robert L. Khawlhring-in rilru lama harsatna neite leh Dan inkungkaihna a sawifiah a, Aizawl District Legal Services Authority Secretary, Pi Sylvie Z. Ralte-in Domestic Violence Act, 2005 hmanga hmeichhiate humhalh an nih dan a sawifiah bawk.

Training hi Aizawl Judicial District huam chhunga District panga – Aizawl, Kolasib, Mamit, Serchhip leh Champhai District a\anga Para Legal Volunteer-te tana buatsaih a ni a, PLV 108 an tel a ni.