Mizoram sum tam tak State danga chhuak thin titawp turin mahni mizo pui chhawr a tul tih Home Minister-in sawi

0
540
views

Mizoram sum tam tak State danga chhuak thin titawp turin mahni mizo pui chhawr a tul tih Home Minister Pu R Lalzirliana’n a sawi. He thu hi vawiina Mizoram Mistiri Association General Assembly vawi 6 na Chanmari YMA hall a neih a hmanpuinaah a sawi a, Contractor leh mimal in sa ten hnam dangte aia Mizo Mistiri-te chhawr an chak theihna turin mahni hnaa hmasawn tum chunga taima tak leh rinawmna nen hnathawh a pawimawh tih a sawi. Pu R Lalzirliana chuan, hnathawktuten hlawh an duh ang bawkin a chhawrtuten hna thawk tha an duh tih a sawi a, hemi kawngah Misitri te pawh inenfiah ve se a duh tih a sawi a, Mizoram ti nuama ti hmingtha turin a micheng te an pawimawh ber tih a sawi bawk. Inkhawm hi an pawl Preisdent Pu R Zosiamliana’n a kaihruai a, chawhnu lamah ro an rel bakah hruaitu thar an thlang bawk.