Mizoram Synod Inkhawmpui vawi 94-na chhunzawm

0
398
views

Mizoram Synod Inkhawmpui vawi 94-na, Bungkawn Kohhrana neih mekah vawiin khan rorel chhunzawm a ni a, an zawh hman loh avangin zanin inkhawm banah chhunzawm a ni ang. Kumin Synod Inkhawmpui Thlarau lam thupui, ‘Kohhran – Pathian Chhungkua’ tih chu zanin inkhawmah hian Chaltlang bialtu, Rev. Lalbiakni-a’n a sawi a ni. He inkhawmpuiah hian naktuk chawhma inkhawmah hian Pastor atan mi 25 nemngheh an ni ang a, hei hi \um khata Mizoram Synod-in Pastor a nemngheh \hathnem ber \um a ni dawn a ni. Probationary Pastor atana lak thar, mi 16 dah ngheh an ni bawk ang. Chawhnu inkhawmah Moderator, Rev. F. Lalrinnunga’n Lalpa Zanriah Sakramen a \heh ang a, zanah Moderator kal chhuak, Rev. Lalzuithanga’n thuchah a sawi ang. Inkhawm apiangin Zaipawl engemawzat a awm \hin dawn a ni.

Moderator report-a a lan danin, Mizoram Synod hnuaiah hian Presbytery 49, Pastor Bial 288, Kohhran 1,097, Member 5,94,457 an awm a, Dan zawh kim 4,13,209, Pawl dang a\anga pakai 4,100, Pawl danga pakai 2,173, Nau piang 8,675, Mitthi 3,660 an awm bawk. Kum khat kal ta chhung khan chhawmdawlna, Rs. 25,57,000 an pe a, hengte hi khuarel chhiatna tuarte, Damlo leh mi harsate leh accident leh vanduaina tawkte hnena p>k a ni. Synod hnuaiah hian thawktu, Pastoral hnuaiah mi 934, Mission Board hnuaiah mi 2,663 an awm a, thawktu zawng zawng hi 3,597 an ni. Synod Mission Board-in Mission Field 17 a nei a, ring thar, 7,084 an nei bawk. Synod hian kum 2016-17 chhung khan thilp>kah kum hmasa, 2015-16 kha Rs. 17,53,40,841/- in an kh<m a, kum kal mek, 2017-18 dinhmun erawh chu hriat theih a la ni lo a ni.