Mizoram Synod Inkhawmpui vawi 94-na tiak

0
857
views

Mizoram Synod Inkhawmpui vawi 94-na, Bungkawn Kohhrana neih chu nizan khan a \iak ta a, nimin chawhma inkhawmah khan Pastor atan mi 25 nemngheh an ni a, hei hi \um khata Mizoram Synod-in Pastor a nemngheh \hathnem ber \um a ni a, Probationary Pastor atana lak thar, mi 16 dah ngheh an ni bawk. Pastor tharte hi Moderator, Rev. F. Lalrinnunga’n a nemnghet a, Rev. R. Lallianpara’n fuihna thuchah sawiin a \awng\aisak a ni. Chawhnu inkhawmah Moderator, Rev. F. Lalrinnunga’n Lalpa Zanriah Sakramen a \heh a, inkhawm ban, Mual inkhawmah Rev. Vanlalbela’n thuchah a sawi bawk. Zanah Moderator kal chhuak, Rev. Lalzuithanga’n thuchah a sawi a, Pathian leh Kohhran tana rinawm tlat turin mipuite chu a fuih b^kah, Mizoram damna chu Chanchin \ha a nih thu uar takin a sawi a, sum leh pai leh ropuinaah damna a awm lo tih sawiin, Kohhran zahpah lo leh pal zut hreh lo, pawl pakhat ang leka ngaite pawh an lo awm t^k avangin, fimkhur a \ul hle tih a sawi.