Mizoram University Convocation 13-na chu vawiin khan MZU Multipurpose Hall-ah neih a ni. Hei hi kum 18-a upa Mizoram University-in convocation \um 13 a neihna a ni.

0
337
views

Hetah hian Mizoram Larsap, Pu Kummanam Rajasekharan, Univeresity Rector ni bawk chuan thusawiin zirlaite chu an zirna ngaipawimawha \ha taka hlenchhuah tum turin a fuih a, zirlai degree nei tharte chu ramin beiseina sang tak nen a thlir reng tih sawiin, ram khualehtui \ha leh mi chhawr tlak nih tum turin a chah a ni. Larsap chuan Mizoram tihhmasawn nan agriculture, horticulture, food processing, handloom leh handicrafts-ah te hlawhtling taka hmalak theih nia a rin thu a sawi a ni.

He Convocation-ah hian Defence Ministry-a Department of Defence, Research & Development, Secretary & Chairman, Dr. G. Satheesh Reddy chu khualzahawm a ni a, zirlaite fuihna thu a sawi bawk a ni.

He Convocation-ah hian Mizoram University Vice Chancellor, Prof. KRS Sambasiva Rao chuan zirlai hlawhtling mi 3,922 hnenah degree a pe a, heng zinga mi 948 te chu Convocation-ah hian an tel thei a, an zingah hian Doctor of Philosophy dawngtu mi 44 an awm a ni. Mizoram University hi kum 2000 khan din a ni.