Mizoram University Students’ Discussion Forum leh Vanglaini chanchinbu tangkawpin vawiin khan MZU Auditorium-ah Varsity Platform 2018 an buatsaih.

0
479
views

Hetah hian Political party hrang hrangin an hmachhawp leh ram hruai an tum dan an sawi a ni. Varsity Platform hi MZU Students’ Discussion Forum Vice Chairman, Vanlalhriatpuia Sailo-in a kaihruai a, an Chairman Malsawmsanga chuan \halaite khawvel din turin \halaite an chet chhuah a \ul tawh takzet tih a sawi a, hetih rual hian Political Party te chu \halaite hmasawnna lam hawi ngaihtuah tam leh zual turin a sawm nghal a ni. Varsity Platform hi thawh hnih-a \hen niin, a sawihona chu Journalist, Pu J Malsawmzuala Vanchhawng-in a kaihruai a, chawhma lamah Political Party aiawhten an hmachhawp leh thil tih tum dan an sawi a, chawhnu lamah zawhna leh chhanna hun hman a ni. Hetah hian ZPM, BJP, PRISM leh Zoramthar a\angin an President \heuh an tel a.

Mizoram University Students’ Discussion Forum chuan Election Survey buatsaihin kumin kumtawpa Mizoramin Assembly inthlanpui a hmachhawn tura MZU zirlaite ngaihdan lak a ni a, hetah hian ZPM-in Chief Minister Candidate atana a puan Pu Lalduhoma chu Chief Minister atana duhtu an tam ber a, Pu Lal Thanhawla kaihhruai Mizoram Pradesh Congress Committee chu inthlanna a chak leh tura ringtu tam berin, Pu Lal Thanhawla chu Chief Minister a nih leh ring an tam ber a ni. Mizoramin inthlanpui a hmachhawn turah hian Party mala sorkarna siam thei awm lova, sorkar in\awm a pian MZU zirlaite chuan an ring a. MLA nilai zingah MNF MLA Pu Lalruatkima chu MLA \ha berah MZU zirlaite chuan an thlang bawk.

Varsity Platform 2018-ah hian Congress leh MNF chuan aiawh an tir lova, an party hotute chuan MPF nen inthlan kaihhnawih thawh hona thuthlung an siamah MPF huaihawt ni lo, vantlang inkhawmah tel phal loh a nih avangin an tel ve ta lo niin an sawi a ni. He inkhawma Key Note Address sawi tura ruat Vanglaini Editor, Pu K. Sapdanga chu ZPM mi leh sa, Aizawl East biala ding mai tur a nih avangin an tel ve a rem lo nia an hriat thu an sawi a. Hemi bakah hian MPCC chuan, MZU Students’ Discussion Forum hruaitute hnena lehkha an pekah he Programme-a welcome Address sawi tur MZU Students Welfare Dean, Prof. F. Lalnunmawia chu Aizawl South III biala MNF Ticket-a ding tura inbuatsaih mek a nih avangin Varsity Platform-ah hian an tel ve theih loh thu an hrilh a ni.