Assembly-a khuallian, Lunglei High Power Committee Vice Chairman, Pu Lawmawma Tochhawng chuan thusawiin Upa te chu \hangthar te tan mi \angkai leh entawn tlak, thurawn petu ni bawk an ni tih a tarlang a, hnamin hma a sawn zel nan inthlahrung lova ram leh hnam tana thurawn pek ngaihna a piangah sorkar hotute be \hin turin a ngen a ni. He Assembly hmanpuitu MUP President, Pu RK Thanga pawhin thusawiin upaten an vei ber chu ruihhlo vanga \halai thi an tam lutuk leh central service-a lut an tlem lutuk hi a ni a ti a, engmah ti thei lova inngai lova, an thil hriat te \halai leh naupang zawkte hnena hlan chhawng turin a ngen a, upa te tana ham\hatna hmuh theih chi hrang hrang a tarlang bawk a ni.
Lunglei MUP General Assembly hi an pawl President, Pu Sanghlira Colbert-in a kaihruai a ni.
Mizo Upa Pawl Hqrs. Lunglei hi kum 1975 khan a ni a, a hnuaia unit hrang hrang 131-ah tunah hian member 10,036 an awm a ni.
