Mizoram UPC General Assembly vawi 23-na tiak

0
955
views

Mizoram UPC Inkhawmpui lian ber, General Assembly vawi 23-na Zonuam-a Assembly Centre-a neih chu nizan khan a \iak ta. Nizan inkhawmah General Superintendent kal chhuak tur, Rev. Ngurthanpara Sailo chuan Pathian thuchah sawiin, rawngbawltute chu tih takzeta inpekna thuk tak nena \hahnemngai taka Lalpa rawngbawl turin a fuih a ni. Puan tawh angin he Assembly-ah hian General Superintendent thar atan Rev. Vanlalsipaia ruat a ni a, ani hian nakkuma Kohhran Office hawn a nih veleh General Superintendent mawhphurhna a la dawn a ni. He Assembly-ah hian Zirtawpni ni 8 leh Inrinni ni 9 khan nilengin Executive Chairman, Upa Lalnunmawia kaihhruaiin rorel a ni a, kum 2018 atana budget Rs.13,95,68,730/- chu pass a ni a, ruihhlo ngaite enkawlna tur De-Addiction Centre din rawtna pawm a nih bakah Media & Publicity tih changtlun nan thawktu post siam belh rawtna chu pawm a ni bawk.