Mizorama All India Writers’ Meet neih a nih tur chungchang hi tukin khan Aijal Club-ah Sahitya Akademi Secretary, Pu K. Sreenivasarao-a’n thuthar lakhawmtu thenkhat a hrilhfiah a.

0
580
views

Tun hmaain Mizoramah hmarchhak pum huap leh tual chhunga intawhkhawmna neih lo ni \hin mah se, tun \um hi ram puma huapa ziaktu lar inhmuhkhawm \um khatna a ni tih a sawi a, hetah hian Mizoram pawn a\angin ziak mi 31 an tel a, seminar neih a nih chhung hian Mizo ziak mi 4-te thuziak pawh zir ho a ni dawn tih a sawi. Pu K. Sreenivasarao chuan, he Writers’ Meet buatsaihtu ber Sahitya Akademi, National Accademy of Letters tia hriat bawk chu India rama thu leh hla lama thuneitu sang ber niin, kum 1954-ah din a nih thu leh mahnia thuneihna hran nei a nih thu a sawi. Sahitya Akademi hnuaiah hian Sorkar-in a pawm \awng 24 a awm a, heng \awng hmanga thuziakte chu a thlawna chhuah sak \hin a ni a. India ram pumah sorkar-in a pawm loh \awng engemawzat awmin, hmarchhak bialah ringawt pawh sorkar pawm loh \awng 200-300 vel zet a awm a, chung zingah chuan Mizo \awng pawh telin, heng Sorkar pawmpui loh \awngte tihmasawn tura \anlak chu Sahitya Akademi thil tum pakhat a ni tih sawiin, Pu K. Sreenivasarao chuan, hemi kawnga \anlak a nih theih nan Mizoramah All India Writers’ Meet pawh hi buatsaih a ni a, Sikkim, Manipur, Assam leh Jammu and Kashmir-a Leh hmunahte |awng chungchanga intawhkhawmna, Language Convention buatsaih thuai tum a nih thu a sawi. 8th Schedule-a Mizo \awng telh theih a nih ve leh ve loh zawhna chhangin Pu K. Sreenivasarao chuan, hemi chungchang hi chu Home Affairs Ministry thuneihna a ni tih a sawi a. Heti chung hian Sahitya Akademi chuan Mizo |awng chawikang turin theihtawp a chhuah mek a, ram pum huap ziakmite intawhkhawmnaah pawh Mizo ziakmi \hahnem tak sawm an ni tawh tih a sawi a. Ziakmite chawisang tura hmalakna atan Sahitya Akademi chuan Travel Grand pawh a siam a, hemi hnuaiah hian thu leh hla kaihhnawih State pawna zin turte chu an zinna senso atan cheng 15,000 thleng \anpuina an pe thei a, Sorkar pawm loh |awnga thuziakte pawh Sorkar pawm \awnga lehlin a nih chuan an chhuahsak thei tih a sawi bawk.