Mizorama Electoral Roll Special Summary Revision neih zawh taka Final Electoral Roll chu vawiin khan tlangzarh a ni a, Mizoram pumah vote nei thar 14,032 an awm a, mipa vote nei aiin hmeichhe vote nei 20417 in an tam zawk.

0
269
views

Electoral Roll thar hi vawiin khan District hrang hrangah District Election Officer \heuhin tlangzarhin a copy pawh Political party tin hnenah pek nghal a ni a, vote nei tharte nen hian Mizoram pumah vote nei mi 7,84,405 an awm ta a, chung zinga 4,02,408 chu hmeichhia an ni a, mipa vote nei 3,81,991 an awm thung. Mipa vote nei aia hmeichhe vote nei tamna hi 20417 a tling a ni.

Aizawl District-ah chuan vote nei thar hi mi 5,307 an awm a. Vote nei zat punna chu zaa 1.83 niin, Aizawl District-a Assembly Constituency 14-a vote nei zawng zawng chu mi 2,94,766 an ni.

Lungleiah chuan Electoral Roll thar hi District Election Officer, Pu Benjamin Lalzama’n DC Conference Hall-ah a tlangzarh a. Hetah hian vote nei thar mi 1,552 awmin, Lungleui District chhunga Assembly Constituency 7-a vote nei zawng zawng chu 1,06,627 an ni ta a. Chung zinga 53,010 chu mipa niin, hmeichhia vote nei mi 53,617 an awm a ni.

Kolasibah chuan DC Conference Hall-ah District Election Officer, Pu Zoengsanga’n Electoral Roll thar hi a tlangzarh a, Kolasib District-ah hian vote nei thar mi 998 awmin, heng mite nen hian Kolasib District-a Assembly Constituency 3-a vote neih zat chu 58,549 a ni.

Siaha-ah pawh DC conference Hall-ah District Election Officer, Pu Bhupesh Chaudhary’n Electoral Roll thar hi a tlangzarh a, hetah hian vote nei thar mi vote 1062 awmin, Assembly Constituency 2 awmna Siaha District-ah hian a pumpuiah vote nei mi 39,522 an awm ta a, chung zinga 20,289 chu hmeichhia niin, mipa voter nei 19,233 an awm thung a ni.

Champhaiah pawh Electoral Roll thar hi Keifangtlanga DC Conference Hall-ah District Election Officer, Dr. Naveen Aggarwal-a’n a tlangzarh a, he inkhawm hi Mizoram Sorkar-a Secretary, Champhai District Electoral Roll Observer nibawk Pu Biaktluanga’n a hmanpui a. Champhaiah hian vote nei thar mi 1,673 awmin, a punna chu zaa 1.9 a ni a. Champhai District-a Assembly Constituency 5-a vote nei zawng zawng chu mi 86,378 niin, chung zinga 42,690 chu mipa leh 43,688 chu hmeichhia an ni.

Lawngtlaiah chuan Electoral Roll thar hi District Election Officer, Pi Shashanka-i’n a office chamber-ah a tlangzarh a. Hetah hian vote nei thar mi 2,054 awmin, Lawngtlai District-a Assembly bial 3-ah a pumpuia vote nei zat chu mi 82,279 an ni a. Chung zinga chu 40,986 mipa leh 41,293 chu hmeichhia an ni.

Mamitah pawh DC Conference Hall-ah District Election Officer, Pu Vanlalngaihsaka’n Electroral Roll thar hi a tlangzarh a. Mamit District-ah hian vote nei thar mi 1,698 awmin, a punna chu zaa 1.48 a ni. Mamit District-a Assembly bial 3-ah vote nei mi 66,456 awmin, chung zinga 33,743 chu mipa an ni a, hmeichhia 32,713 an awm bawk.

Serchhip-ah chuan District Election Officer, Pi Sangchhin Chinzah-in a pisa-ah Electoral Roll thar hi a tlangzarh a.
Serchhip District pumpuiah hian vote nei mi 50,153 awmin an zinga 24,679 chu mipa an ni a, a bak 25,474 chu hmeichhia an ni.