Mizorama Inthlanna dik leh felfai a awm theihna tura din, Mizoram People Forum chuan Mizoram Assembly inthlanna neih turah Political party hrang hrang leh Candidate-te an thawhhona thuthlung zah turin a ngen nawn leh.

0
526
views

 

Hemi chungchangah hian thuchhuah siamin MPF President, Rev. F Lalrinnunga leh General Secretary, Rev. Dr. R. Lalbiakmawia te chuan Political Party hrang hrang nena inremna thuthlung an siama an remtih loh, mipui vantlang tana ruai \heh loh tih chu tunhnaiah Hrangturzo bial leh Aizawl East-II bialah bawhchhiat a ni tih a sawia, hei hi pawi a tih thu sawiin MPF chuan a hautak zawnga chetna, ruai\heh leh picnic-te chu tih loh nise a ti a, inremna thuthlung bawhchhiatna Mizoram chhung khawi hmunah mah thleng tawh lo se a duh tih a sawi bawk. MPF chuan hmun \henkhatah Political Party \henkhatin sum an chelek nia sawi awmte, Party flag, banner leh poster tarte pawh a awm niin a sawia, hengte hi \ha an ti lo tih sawiin ti lo turin Party mite leh Candidate te a ngen a, MPF chuan Political Party hrang hrangte nena thawhhona thuthlung an siam chu Party hrang hrang President ten an hming ziah hnanin an nemnghet vek tih a tarlang bawk a ni.