Mizorama Lok Sabha Seat 1 atana inthlanna neih ruala, Aizawl West bial chhunga Assembly by election April ni 11 a neih tur Election Commission-in a puan tak avangin Serchhip Bawrhsap Pi Sangchhin Chinzah, District Election Officer ni bawk chuan Serchhip District huam chhunga silai nei zawng zawngte chu inthlan puan ni, tun thla ni 10 a\anga chhiara thla 2 chhung pawn lama silai keng chhuak lo turin a hriattira, He khapna thupek hi Cr. PC section 144 tlawhchhana chhuahin thupek zawm lo te chu IPC Section 188 hmanga hrem theih an ni ang tih a tarlanga, hei hi inthlanna boruak \ha leh ralmuang tak hnuaia neih theihna tur niin a sawi bawk a ni. He mi hma lam hian Aizawl Bawrhsap chuan Aizawl District huam chhunga silai nei zawng zawngte chu tunthla ni 15 aia tlai lova an silai an mahni hnaih ber Police Station-a dah lut turin a lo hriattir tawh a ni.