Mizorama mau \ha chi tam tham tak phun leh tihpun dan tur chungchang nizan khan Chief Minister, Pu Zoramthanga’n Bamboo Consultant, Energy Plantation Consultant, Dr. N. Barathi leh Advisor, Eco-Nexus Pu Hae-Bong Cheoung te a sawipui

0
533
views

He inkawmna Chief Minister Conference Hall-a neihah hian Chief Minister chuan industry hrang hrangah Mau mamawhna a san thu sawiin, mau chu hun reilote chhunga puitling zung zung a nih avangin environment tana \ha tur leh suma hlawkna tur thlir pawhin a \ha hle a ni a ti a, chutihrual chuan chi chhuah zen zen lo a nih avangin tam tham taka mau hmun siama phun tur chuan science thiamna hmanga tihpun a \ul thu leh chumi atan chuan Dr. N. Barathi chuan mau chi khat Dendrocalamus Brandisii variety chu tissue culture tia kum nga chhung a beih hnuah hlawhtling takin a tihpun thu a sawi bawk.

Chief Minister chuan hmabakah chuan kalphung mumal tak neiha, mau hmun tur buatsaih te, lei \ha leh tui lakna \ha te, mau hmun kara hmun awl hmang \angkai tura thlai dangte chin tel dan leh thil tur dang awm tur te sawiho fel \ul a tih thu a sawi bawk a ni. Dr. N. Barathi leh Chief Minister \awiawmtu Horticulture Department hotute chuan Mizorama mau chin dan kalphungte sawihovin, Hosur-a Director-a a \hutna, Growmore Biotech Ltd. hmunhma chu tlawh turin a sawm nghal a ni. Pu Hae-Bong Cheoung chuan an company-in mau a\anga fuel an siamchhuah \hin thu sawiin, chumi atan chuan engtik lai pawha mau tam tham tak supply mamawh reng a nih thu a sawi a, Mizoramin bul \anna tur sum a mamawh te state leh ram pawn a\anga hmuh theih dan tur te an sawi ho bawk a ni.