Mizorama Maxi Cab neituten sorkar-a an thilphut tihhlawhtlin ngiat nan vawiin a\ang khan an motor an tlan tir lo.

0
258
views

 

Maxi Cab enkawltute hi tukin a\ang khan Mizoram hmun hrang hrangah duty-in tlan lui an awm leh awm loh an vil a, an pawl President, Pu C. Lalthanmawia chuan vawiina Mizoram hmun hrang hranga an duty-naah harsatna tawk an awm lo tih Zonet a hrilh a. An thilphut chungchangah hian sorkar lam a\anga thu lawmawm engmah an la dawn loh thu leh thu lawmawm an dawn hma loh chu din chhunzawm zel an tum thu a sawi. Pu C. Lalthanmawia chuan, an nawrh tur chungchangah hian Mizoram pawna tlan Maxi Cab-ten hriattirna an dawn tlai avangin vawiin bik chu ngaihhnathiam an nih thu leh zanin a\ang chuan an ni pawh tlan lo tura beisei an ni tih a sawi a, lungawilohna an lantir avanga harsatna tawk an awm a nih chuan mipui hriatthiamna an ngen tih a sawi.

Puan tawh \hin angin Mizoram Owner Association chuan All Mizoram Permit pe tur leh Maxi Cab chuan man tisang turin sorkar an ngen a, an ngenna hi tihhlawhtlin a nih loh avangin vawiin a\ang khan Mizoram puma Maxi Cab-te chu an ding vek a ni.

Maxi Cab enkawltute hi tukin dar 4:30 a\ang khan Melthum daia Zampuimanga lungphun bulah te, Sairang Sihhmui peng, Selesih kawn, Kawnpui daia Sairang leh Zanlawn penna kawng\huam leh Seling bula Zero point-ahte an duty a, hei bakah hian khaw bil Welfare hrang hrangte chu an khaw kawtchhuah hmun remchang laiah an duty bawk a, lungawilohna an lantir chhung hian Maxi Cab te chu tlan lui lo tura ngen an ni a, tlan lui harsatna tawk an awm a nih chuan an mahni mawphurhna a nih tur thu an sawi a ni.