Mizorama Medical College hmasa ber MIMER din a nih theihna turin MNF hmalaknaah Congress in par a chhuang tih MNF Vice President Dr. R.Lalthangliana leh Pu Lalruatkima MLA in an sawi chu thu dik tak niin MNF party in a sawi.

0
268
views

 

Thuchhuah an siamah MNF chuan, Congress sorkar in MIMER atana Sorkar laipui a\anga a sum dawn cheng vaibelchhe 138.18 leh NEDP sum cheng vaibelchhe 20 hmangin Building 10 tal sak an nei em tih chu an zawt nawn leh tih sawiin MNF in bul a \an laiin sorkar laipui atanga cheng Vbc. 40 chauh a dawn hmangin Administrative Building, Staff Quarters leh Building dang 51 zet a sa niin an sawi a, MNF in thuneihna a chan leh hunah State Medical College ni lovin Central Medical College changtlung zawk neih a nih theih nan hma an la dawn niin an sawi bawk.

MNF chuan, Congress chu Health Deptt. sum siam na atana hmanga puhin kum 2014 April ni 9 ah IMR sum cheng Nuai 55 hmangin Mini Truck- 3 leh Truck-2 sorkarin a lei niin an sawi a, motor hi a awmna chin hriat a ni lo niin an sawi a, nikum November ni 20 a Aizawl Civil Hospital in Blood Collection & Transportation Van a dawn tawh pawh vawiin thlengin Register theih a ni lo nia sawiin hei hian Motor hlui sorkar-in a lei vang tih a chiang hle niin an sawi. Hetihlai hian Kolkata a Apollo Hospital leh Meghalaya a NEIGRIHMS Hospital ten Endoscope khawl 2 chauh an neih lai a, MIMER atan Endosope 10 zet Sorkar-in a lei chu sum siam nan Congress Sorkar in an hmang chiang hleah an ngai tih an sawi bawk.