Mizorama Political party hrang hrang aiawhten Election Commission of India aiawh lo zinte hnenah kumin kum tawp lama Mizoram Assembly inthlanna neih tur chu November thla chhunga neih an duh thu an thlen.

0
506
views

Election Commission of India aiawha mi pawimawh zan khat riaka Mizoram tlawha nimina lo zin te hi Deputy Election Commissioner pahnih, Pu Sudip Jain leh Pu Vikram Batra te bakah Director (EVM), Pu Nikhil Kumar te an ni a, heng mite hian nimin tlai khan Aizawl Bara Bazar-a Hotel Floria-ah Mizorama Political party hrang hrang aiawhte a mal malin an hmu a, Mizoram Assembly inthlanna neih ni tur atan an duhdan leh a kaihhnawih thildangte an zawt a, hemi hnua party hrang hrang aiawhte a\anga ZONET thu dawn danin party aiawhte hian kumin December ni 15-ah tuna sorkar dinglai term a tawp tawh dawn thu te, December thla tirah Synod inkhawmpui neih a nih dawn thu te, hemi hnuah chuan Mizote hunpui Krismas leh kumthar lawm tura mipuite an buai tawh dawn thu te sawiin inthlanna chu November thla chhung ngeia zawhfel an duh thu Election Commission aiawhte chu an hrilh a, vote thlak ni atan leh vote chhiar ni atan Pathianni leh Inrinni hman loh ni se tih te, tlawmngai pawl hrang hrang leh political party hrang hrang thutlukna lo siam tawh angin Tripura Bru Relief Camp 6-a Mizoram mi awmte chu Mizoram ni lo, hmundangah vote thlak tir ni tawh lo se tih leh, Bru Camp-ah electoral roll ennawnna pawh neih tawh loh ni se tih chu an duhdan a ni tih an hrilh bawk a ni. Election Commission aiawha mi pawimawh pathum lo zin te hian nimin tlai vek khan District hrang hrang Bawrhsap, District Election Officer ni bawk te kawmin Mizoram Assembly inthlanna neih tur atana inbuatsaih dan tur leh tuna an dinhmun te an zawtfiah a, inthlanna dik, felfai leh muanawm a awm theih nan \ha taka inbuatsaih chho turin an hrilh a ni. Hemi bakah hian inthlanna neih huna boruak \ha leh muanawm tak hnuaia neih theih nan dan leh thupek kenkawh dan tur chungchangte pawh Police hotute an sawipui bawk a ni. Vawiin khan Aizawl DC Conference Hall-ah inthlanna senso chhinchhiah dan tur chungchang officer pawimawhte an sawipui a, vawiin chhun khan Chief Secretary Conference Room-ah Chief Secretary, DGP leh Secretary te nen inthlanna neih dan tur chungchang leh a kaihhnawih thil pawimawh te an sawi bawk a ni.