Agriculture Department hotute chuan Fall Army worm puang vanga harsatna hi loneitute sum leh pai deh chhuah-a nghawng lian tak nei thei khawpa nasa a ni tawh tih Zonet an hrilh a, pangang suat turin theihtawp chhuah mahse, tunlai khaw awm danin an inthlahpunna kawngah nasa taka a puih bawk avangin an pung chak hle a, an beisei angin hma an sawn thei lo tih an sawi.
Agriculture Department hotute chuan, Fall Army worm thah na atana an hlo hman chuan thlai tichhe thei lo rannung dang a tih rem tel theih avangin fimkhur takin an hmang tih an sawi a, hmun thenkhatah chuan chemical ni lo Bio Pesticide an hman thu an sawi. Agriculture Department hotute chuan, pangang thahna tura hlo an hman te chu a hman dan a dik loh chuan mihring tan pawh a hlauhawm thei tih an sawi a, Department mithiam te rawn hmasa lo chuan hmang lo turin loneitute an chah a, fall army worm ni thei awm pangang hmu chuan rang taka Agriculture Department-ah hriattir tura an duh thu an sawi.
