Mizorama thlai eichhetu pangang Fall Armyworm puangin ziaawm lam a la pan thei lo a, a suatna atana rannung thahna hlo dept in a pek chhuah chu a hman dan tur dika hman a nih chuan mihring tan a him tih Agriculture Dept hotuten an sawi.

0
178
views

Fall Armyworm puang chungchanga ZONET zawhna chhangin Agriculture Director Pu Rohmingthanga Colney chuan, pangang puang hi hmuh belh zel a nih thu a sawi a, a pui chu thlawk kual reng, a thlawh tawpna-a tui nghal zel a nih avang leh awlsam taka thah mai theih a nih loh avangin pangang hi a inthlahpung chak hle tih a sawi. Pu Rohmingthanga Colney chuan, pangang thahna atana Chemical Pesticide an hman chhan chu loh theih loha hman a ngaih tawh vang a ni tih a sawi a, hetihrual hian mithiam ten mihring tana hlauhawm lo tur chin an bithiliah anga hman a nih thu sawiin pangang thahna hlo hi kah a\anga ni 15 hnuah chuan mihring tan pawh ei ngam vek a ni tawh a ni ti.

Pu Rohmingthanga Colney chuan, Fall Armyworm thah na tur hian hlo chi hrang hrang a chhawkin an hmang tih a sawi a, chemical chauh hmang lovin bio pesticide pawh an hmang tih a sawi a, mi \henkhatin pangang thahna atana bawlhlo an hman te hlauhawm thei ang bera sawia mipui tichiai thei zawnga thu an thehdarh chu pawi a tih thu a sawi.

Pu Rohmingthanga Colney chuan, Fall Armyworm puang chungchang hi Sorkar laipuia Plan Protection Adviser hnenah April ni 26 khan hriattir a nih thu leh tun thla ni 1 khan chhanna an hmuh tawh thu a sawi a, an thurawn angin RKVY hnuaiah \anpuina sum dil turin buaipui nghal a ni a ti a, Distrct tinah loneitute \anpuitu tur respond team din tura hriattirna tih chhuah a ni tawh tih a sawi.

Fall Armyworm hian tun dinhmunah Vaimin bak thlai dang a eichhiat hriat a la ni rih lo a ni.