Mizorama tlawmngai pawl hrang hrang Coordination Committee in Mizoram Assembly inthlann neih tur kaihhnawih thil reng reng Mizoram pawna tih a rem ti ngai dawn lo tih a sawi nawn leh.

0
2529
views

He thu hi vawiina Central YMA Committee Room-a an meeting-ah sawi chhuah nawn leh a ni a, hemi hnua thuchhuah an siamah pawh tarlan nawn leh a ni. NGO Coordination Committee vawiina \hukhawm hian Election Deptt.-a hnathawktu leh inthlanna kaihhnawih hnaa sorkar mi chhawr reng rengte pawh an duhdan leh ngenna ngai pawimawh lova Mizoram pawna chhuak lo turin an ngen nawn leh a ni. He meeting hian Tripura Bru Relief Camp-a Mizoram mi dik tak awmte hruaikirna tura sorkar laipui leh Mizoram Bru Displaced People Forum hruaituten July ni 3-a New Delhi-a inremna an lo siam tawh chu tihpuitlin ngei a nih an beisei tlat tih an thuchhuah chuan an tarlang bawk a ni. He meeting hi Central YMA President, Pu Vanlalruata, NGO Coordination Committee Chairman ni bawkin a kaihruai a, hetah hian Mizorama tlawmngai pawl lian 5, Central YMA, MUP, MHIP, MZP leh MSU hruaitute an tel a ni. Puan tawh angin hemi hmalam kar hmasa kar tir lam khan Tripura Bru Relief Camp-ah Electoral Roll ennawn hna thawk turin sorkara mi \henkhat tirh an ni a, heng mite hian Electoral Roll-a thun thar diltute leh thil tih dik leh tihdanglam dil duhte hman tur form 6, 7 leh 8 an lo sem nual tawh a, hei hi NGO Coordination Committee chuan \ha lo tiin an duhdan zawm turin Election Deptt.-a thawk leh inthlanna kaihhnawih hnathawktu dangte an ngen a ni.