Social Welfare Minister, Pu PC Lalthanliana’n Mizoramah ruihhlo ngaite enkawlna hmun, sorkar hriatpui leh pawmpui 10 a awm tih sawiin, tihchangtlun zel a nih theih nan sorkarah ngenna thlen a ni tawh tih nimina Social Guidance Agency General Assembly vawi 31-na, Social Guidance Agency Centre, Gosen Farm-a a hmanpuinaah a sawi a, sorkar leh Kohhran-ten ruihhlo ngaite chhanchhuahna atana an hman ber chu Gospel Camping ni \hin mah se, khawvel danglam chho zelah leh ruihhlo leh a hmangtute thil tih dan danglam chho zelah tun hma angin awmzia a nei tawk ta lo nia sawiin, mimal inpe te, tlawmngai pawl leh Kohhran \an laknate tihchangtlun a \ul thu a sawi. He inkhawmah hian SGA dintu, Pu C. Dozuala’n an rawngbawlna chanchin a ziah chu Minister hian a tlangzarh a, inkhawm hi SGA Board of Directors Chairman, Dr. HL Malsawma’n a kaihruai a ni.
