Mizoramin Assembly inthlanpui a hmachhawn mekah Party hrang hrang an campaign ngawrh chho hle a, Union Home Minister, Pu Rajnath Singh-a’n BJP tana Campaign-in vawiin khan Siaha, Chawngte leh Damparengpuiah te BJP Booth Level Worker’s Meet-ah thu a sawi.

0
280
views

Helicopter-a Siaha a thlen hnuah Siaha Vengpui Field-a vantlang inkhawmah thu a sawi a, Mizorama Autonomous District Council ten thuneihna sang zawk neih theihna tura Sixth Scheduled siam\hat an phut chu siam\hat thuai tum niin a sawi a, Congress sorkar chhungin Mizoramah hmasawnna hnathawh a tlem em em nia sawiin, BJP a sorkar chuan thla ruk chhungin Mizorama kawngte chu siam\hat a ni dawn niin a sawi a, hmasawnna tur hmalakna chak tak leh rualkhai taka kalpui a ni dawn niin a sawi bawk. Pu Rajnath Singh chuan BJP sorkar hnuaiah rampumah sakhaw hrang hrang betute inkarah leh mipui vantlang zingah inpumkhatna leh lungrualna \ha a awm niin a sawi bawk. He inkhawm hi Siaha District BJP President, Pu M. Laiko-an a kaihruai a, hetah hian Palak biala BJP candidate Pu Hiphei leh Siaha biala BJP candidate Pu S. Vadyu te pawhin thu an sawi a ni. Hemi hnu hian Pu Rajnath Singh hian Siaha chhuahsanin Helicopter-in Chawngte a pan a, Kamlanagar Field-a vantlang inkhawmah thusawiin Tuichawnga BJP candidate Dr. BD Chakma leh West Tuipuia an party candidate Rina Ranjan Chakma te thlangtling turin mipui a ngen a ni. Hemi hnu hian Helicopter bawkin Damparengpui a pan a, Damparengpui Field-a vantlang inkhawmah thu a sawi leh a, he inkhawmah hian Mamit biala an party candidate Pu Malsawmtluanga, Dampa biala an candidate, Pu K. Lalrimawia leh Hachhek biala an candidate, Pu Vanlalruata Pachuau te pawhin thu an sawi a ni. Hemi hnu hian Pu Rajnath Singh hian New Delhi lam a pan leh nghal a ni.