Mizoramin khaw vawh vanglai tawng mek

0
386
views

Mizoramin kumina thlasik khaw vawh vanglai a tawng chho mek a, tun hnai a\ang khan Champhai zawl, Thenzawl, North Vanlaiphai leh hmun dang vawt deuhah chuan phul, thing hnah, in chung leh pawn lama thil awm chi hrang hrangah t<k tin, dai khang, vur hmuh tur a awm a ni. Kan Corr. sawi danin khaw vawh zualna, Champhaiah chuan tui pipe chhunga tui khang avanga tui herh haw theih loh te, rangva tuizem chung leh motor chunga dai khang chhah tak awm hmuh tur a awm a ni. Champhai, Thenzawl leh North Vanlaiphaiah hian a vawh lai berin celsius degree 0 hnuai lam, tui khang theihna khawp a tling a, a lum lai berin celsius degree 20 vel a ni.

Aizawlah chuan kumin chhunga a vawh lai ber, nizan khan celsius degree 4.4 a ni a, a lum lai berin celsius degree 24.4 a ni a, khaw vawh zawng hian nikum 2017 kha a la tluk lova, nikuma Aizawl khawpuia khawvawh lai ber, January ni 13 zan khan celsius degree 2.7 a ni a, hemi ni hian a lum lai berin celsius degree 22.4 a ni. Khaw awm dan hian chak taka lum lam a pan rin a ni.