Kut thupui atan “Zofate Inpumkhatna” tih hman a ni ang. Chapchar Kut Organizing Committee Chief Minister Pu Zoramthanga hova nimina \hukhawm chuan a hman dan tur a rela, February ni 28-ah chuan zing dar 6-ah Lammuala intawk khawm turin “Chapchar Kut Tlan” Chandmari leh Sikulpuikawn a\angin neih a ni anga, Lammualah inkhawm tawite neih a ni ang. Hemi ni hian Kut chu Lammualah chawhma dar 11-ah \an a ni anga, Kut Pa chu Art & Culture Minister Pu R. Lalzirliana a ni anga, he kut hi Art & Culture Secretary, Pu B. Lalhmingthanga’n a thleng dawn a ni. Kut ni 2 ni-ah chuan zing dar 10:30-ah \an a ni anga, Kut Pa Chief Minister Pu Zoramthanga a ni anga, kut thlengtu chu Art and Culture Minister, Pu R. Lalzirliana a ni ang. Kumina Chapchar Kut-ah hian Mizo zinga Mizote tihming\hatute chawimawina Nopui hlan nise tih a ni a, a dawngtu turte chu Football thiam Jeje Lalpekhlua, khawvela tlang sang ber Mt. Everest lawn chhuaktu David Zohmangaiha leh Lalrintluangi te an ni.
